नेपाल प्रिमियर लिग (एनपीएल) अन्तर्गत आजको पहिलो खेलमा चितवन राइनोजले विराटनगर किंग्सलाई १५८ रनको लक्ष्य दिएको छ।
कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको चितवनले निर्धारित २० ओभरमा ३ विकेट गुमाउँदै १५७ रन बनायो।
चितवनका लागि डेविड मलानले सर्वाधिक ७० रन बनाए। उनले ५ छक्का र ५ चौका प्रहार गरे। यस्तै, रवि बोपारा ३२ र डान मोस्ली २९ रनमा अविजित रहे। देव खनालले १२ रनको योगदान दिए।
विराटनगरका बलर एंगेलो म्याथ्युज, आन्द्रे रसेल र चरिथ असलंकाले एक–एक विकेट लिए।
अब विराटनगरले जितका लागि २० ओभरमा १५८ रन बनाउनुपर्नेछ।
प्रतिक्रिया