सुदूरपश्चिमलाई पोखराको १४६ रनको चुनौती

नेपाल प्रिमियर लिग (एनपीएल) को तेस्रो संस्करणमा पोखरा एभेन्जर्सले सुदूरपश्चिम रोयल्ससामु १४६ रनको लक्ष्य प्रस्तुत गरेको छ।

त्रिवि क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ७ विकेट गुमाएर १४५ रन बनाएको हो।

पोखराका लागि अर्जुन घर्तिमगरले अविजित ४० रन बनाए। उनले २५ बलमा ४ चौका र एक छक्का प्रहार गरे। महेदी हसनले ३२ तथा कप्तान कुशल भुर्तेलले २१ रन जोडे।

शाकिब अल हसनले १४, धनञ्जय लक्षनले ११, सदिरा समरविक्रमा ८, दिनेश खरेलले ४ र किरण ठगुन्नाले १ रन बनाए। विपिन खत्री ५ रनमा अविजित रहे।

सुदूरपश्चिमका अनिल खरेलले ३ विकेट लिए। हेमन्त धामी, स्कट कुइगेइन र कप्तान दीपेन्द्रसिंह ऐरीले एकएक विकेट लिए।