अमेरिकाले दियो सन्दिपलाई भिजा

अमेरिकामा हुने त्रिकोणात्मक सिरिजका लागि सन्दीप लामिछानेले भिजा पाएका छन् ।

कात्तिक ९ देखि १९ गतेसम्म नेपाल, स्कटल्याण्ड र अमेरिकाबीच हुने सिरिजका लागि क्रिकेटर लामिछानेलाई अमेरिकाले भिजा दिएको हो ।

नेपाल क्रिकेट संघ(क्यान) ले शुक्रवार प्रेस विज्ञप्ति मार्फत सन्दीपको भिसा स्विकृत भएको र अमेरिकामा हुने विश्व कप लिग टु अन्तर्गतको त्रिकोणात्मक सिरिज खेल्न उनी शुक्रबार बेलुका नै त्यसतर्फ जाने जानकारी दिएका छ ।

यसअघि पटक पटक प्रयास गर्दा पनि सन्दीपले अमेरिकाको भिसा पाएका थिएनन् । जसका कारण उनले अमेरिकामा भएको टि ट्वान्टी विश्व कपको अमेरिकामा भएका खेल गुमाएका थिए ।

सिरिजमा नेपालको पहिलो खेल कात्तिक ११ गते अमेरिकासँग तथा दोस्रो खेल कात्तिक १३ गते स्कटल्यान्डसँग हुनेछ ।

नेपालले तेस्रो खेलमा कात्तिक १७ गते अमेरिकासँग र चौथो तथा अन्तिम खेलमा कात्तिक १९ गते स्कटल्यान्डसँग प्रतिस्पर्धा खेल्नेछ ।

सिरिजको सबै खेल अमेरिकाको टेक्सासस्थित डालसमा रहेको ग्रान्ड प्रेरि स्टेडियममा हुनेछ । सबै खेल नेपाली समयअनुसार राति ९ः१५ बजे सुरु हुनेछ ।

क्यानद्धारा जारी विज्ञप्ती