लगातारको वर्षापछि सप्तकोसी नदीमा बाढी आउँदा सप्तरीका पाँच सय घर डुबानमा परेका छन्। बाढीका कारण दुई हजारभन्दा बढी सर्वसाधारण प्रभावित भएका छन्।
हनुमाननगर कङ्कालिनी नगरपालिकाका वडा नम्बर ५, ७, १२ र १३ का ४८३ घर तथा तिलाठी कोइलाडी गाउँपालिकाका वडा नम्बर ४ र ५ का १७ घर डुबानमा परेका हुन्। शुक्रबार राति सप्तकोसी नदीमा पानीको सतह बढेपछि बस्तीमा बाढी पसेको हनुमाननगर कङ्कालिनी नगरपालिकाका प्रमुख वीरेन्द्र माझीले जानकारी दिए।
नगरप्रमुख माझीका अनुसार बाढी प्रभावितहरूलाई तत्कालका लागि दुई छाक खानाको व्यवस्था गरिएको छ। “पानीको सतह घटेपछि पीडितको पहिचान गरी थप राहत सामग्री उपलब्ध गराइनेछ,” उनले भने।
प्रतिक्रिया