धौलागिरी आरोहणका लागि गएका पाँच जनाको मृत्यु

धौलागिरी आधार शिविरमा हराईरहेका ५ जना रुसी पर्वतारोहीहरु मंगलबार मृत भेटिएका छन् । धौलागिरी हिमाल आरोहणमा गएका ५ पर्वतारोही ष्गत आईतबारबाट सम्पर्कविहिन भएका थिए ।

जिल्ला प्रहरी कार्यालयका प्रहरी नायब उपरीक्षक भरत श्रेष्ठका अनुसार अलेक्जेन्डर दुशेको, ओलेग कुर्गलोभ, भ्लालिमिर चिस्तिकोभ, मिखाइल नोसेन्को र डिमित्री शालिलेभोइको शव भेटिएको हो ।

आइतबार बिहान ११ बजेदेखि सम्पर्कविहीन भएका उनीहरुको हेलिकप्टरबाट खोजी गरिएको थियो । शव ल्याउने तयारी भइरहेको छ । आरोहण समूहका एकजनालाई उद्धार गरी काठमाडौँं पठाइएको छ ।
रासस