पुर्वराजा शाह र भुटानी राजाबीच भेटवार्ता

भुटान भ्रमणमा रहेका पुर्वराजा ज्ञानेन्द्र शाहले भुटानी राजासँग भेटवार्ता गरेका छन् । भुटानी राजा जिग्मे खेसर नाम्गेल वाङचुकसँग भेटवार्ताका लागि राजप्रसाद पुगेका पुर्वराजा शाहलाई भब्य स्वागत गरिएको थियो ।

५ सदस्यिय भ्रमण टोलि सहित भुटान पुगेका पुर्वराज शाहलाई भुटानी राजा वाङचुकले न्यानो अंकमालसहित स्वागत गरेका तस्विरहरु सार्वजानिक भएका छन् । तस्विकार शाहका साथमा पूर्वराजाकी सुपुत्री प्रेरणा र भतिजी शिताष्माको पनि उपस्थिति देखिन्छ ।

निजी भ्रमण भनिएको भए पनि भुटानी राजाको निम्तोमा पूर्वराजा ज्ञानेन्द्र ५ सदस्यीय टोलीसहित भुटानको औपचारिक भ्रमणमा गएको खबर छ ।

उनी आईतबार बिहान स्वदेश फर्किएका छन् । भुटान सरकारले पूर्वराजालाई विशेष स्वागत सत्कार गरेको थियो ।