नेपाली कांग्रेसले क्रियाशील सदस्यता नवीकरणको समय भोलि दिउँसो १२ बजेसम्मका लागि बढाएको छ। मंसिर मसान्तभित्र प्रक्रिया सक्ने भनिए पनि काम अधुरो रहेपछि समय थप गरिएको हो ।
महामन्त्री गगन थापा संयोजक रहेको क्रियाशील सदस्यता व्यवस्थापन समितिको बैठकले सदस्यता वितरण प्रणाली भोलि दिउँसो १२ बजे लक गर्ने निर्णय गरेको छ ।
समितिका सदस्य प्रकाश रसाइली स्नेहीले पुस १० गतेसम्म नयाँ क्रियाशील सदस्यता वितरण गरिने जानकारी दिए। त्यसपछि नवीकरण र नयाँ सदस्यता सम्बन्धी सबै विवरण पार्टीलाई बुझाइने उनले बताए ।
कांग्रेसले पुस २६ देखि २८ गतेसम्म महाधिवेशन आयोजना गर्ने निर्णय गरेको छ ।
प्रतिक्रिया