भारतमा सुरक्षाकर्मीसँगको मुठभेडमा तीन प्रहरीसहित १२ माओवादी मारिए

भारतको छत्तीसगढको बीजापुर–दन्तेवाडा अन्तर–जिल्ला सीमा क्षेत्रअन्तर्गतको पश्चिम बस्तर डिभिजन इलाकामा सुरक्षाकर्मीसँग भएको मुठभेडमा १२ जना माओवादी लडाकु मारिएका छन् । 

दोहोर भिडन्तमा तीनजना प्रहरी जवान पनि मारिएका छन् । दुई प्रहरी घाइते भएका छन् ।

मुठभेड स्थलबाट १२ माओवादी लडाकुको शव बरामद गरिएको छ । मुठभेड स्थलबाट ठूलो मात्रामा हतियार र गोलाबारुद पनि बरामद भएको प्रहरी अधिकारीहरूले बताएका छन् । मारिएकाहरूको पहिचान गर्ने कार्य भइरहेको बताइएको छ ।