एमालेको ११ औँ महाधिवेशनका लागि दोलखाबाट ९ प्रतिनिधि सर्वसम्मत चयन

नेकपा एमालेको ११ औँ राष्ट्रिय महाधिवेशनका लागि दोलखाबाट कुल ९ जनाको प्रतिनिधि टोली सर्वसम्मत रूपमा चयन गरिएको छ। जिल्ला कमिटीमा बसेको बैठकले विभिन्न कोटाबाट प्रतिनिधि चयन प्रक्रिया टुंगो लगाएको हो।

खुला तर्फबाट नर बहादुर श्रेष्ठ, भरत बहादुर केशी, ईश्वर पोखरेल र डबल पाण्डे चयन भएका छन्।
महिला कोटामा शान्ति कुमारी तामाङ, उर्मिला थामी र शारदा राणा सर्वसम्मत रूपमा चयन भए।
दलित कोटाबाट विशाल विक र युवा कोटाबाट लक्ष्मण गुभाजु प्रतिनिधि बनेका छन्।

जिल्लाका सबै कोटामा सहज वातावरणमा सर्वसम्मत सहमतिका साथ प्रतिनिधि चयन प्रक्रिया सम्पन्न भएको एमाले दोलखाले जनाएको छ।