ट्रम्पले गरे गाजामा युद्धबिरामको घोषणा, विपिन जोशीको अवस्था अझै अज्ञात

अमेरिकी पूर्व राष्ट्रपति डोनाल्ड ट्रम्पले गाजामा जारी युद्ध अन्त्यको नजिक पुगेको दाबी गर्दै इजरायल र ह्यामसबीचको होस्टेज रिहाइ तथा युद्धविराम सम्झौता लागू गराउने तयारी अघि सारेका छन् ।

अमेरिकी समाचार संस्था Axios का अनुसार, ट्रम्पको मध्यपूर्व भ्रमणको मुख्य उद्देश्य युद्धविराम कायम गर्दै बन्धक मुक्ति योजना कार्यान्वयन गराउनु रहेको छ ।

होस्टेज रिहाइ योजना

सम्झौता अनुसार, ह्यामसले नियन्त्रणमा राखेका करिब २० जना जीवित इजरायली होस्टेजहरू र २८ जनाको शवहरू इजरायललाई हस्तान्तरण गर्नेछ ।
बदला स्वरूप, इजरायलले २५० जना जीवनकैद सजाय भोगिरहेका फलिस्तिनी कैदीहरू र १७०० जना अन्य आरोपितहरूलाई रिहा गर्नेछ । आज नै गाजा युद्धका क्रममा हमास बिद्रोहीद्धारा बन्धक बनाईएका तथा हालसम्म अज्ञात रहेका नेपाली विपिन जोशीको पनि सकुशल रिहाई हुने विश्वास विश्व भरका नेपाली तथा अन्यले गरेका छन् ।

यो सन्धि कार्यान्वयनमा दुवै पक्षलाई राजनीतिक दबाब र अन्तर्राष्ट्रिय निगरानीका कारण चुनौती हुनेछ। सम्झौताका सबै पक्षले संवेदनशील परिस्थितिमा संयमता अपनाउनुपर्ने अपेक्षा गरिएको छ ।

ट्रम्पको भ्रमण र शान्ति पहल

पूर्व राष्ट्रपति ट्रम्प इजरायल पुगेका छन् र केही दिन त्यहाँ बस्नेछन्। उनले जेरुसलेमस्थित इजरायली संसद (केनेस्सेट) मा सम्बोधन गर्ने कार्यक्रम छ । त्यसपछि उनी इजिप्टको शार्म एल-शेखमा हुने अन्तर्राष्ट्रिय सम्मेलनमा सहभागी हुनेछन्, जहाँ उनको “मध्यपूर्व शान्ति योजना” प्रस्तुत गरिनेछ ।

सो सम्मेलनमा अरब, मुस्लिम र युरोपेली देशका उच्च अधिकारीहरूको सहभागिता रहनेछ। फलिस्तिनी राष्ट्राध्यक्ष महमूद अब्बास पनि सहभागी हुने अपेक्षा गरिएको छ । इरानलाई पनि निमन्त्रणा गरिएको भए पनि इरानी अधिकारीहरूले सहभागिता अस्वीकार गरेका छन् ।

चुनौती अझै बाँकी

ट्रम्पले दुवै पक्ष युद्ध जारी राख्न थाकिसकेको भन्दै स्थायी शान्तिको सम्भावना देखेका छन्। तर विश्लेषकहरूले भने सम्झौता उल्लंघन, राजनीतिक अस्थिरता र अन्तर्राष्ट्रिय दबाबका कारण यो योजना सहज कार्यान्वयन हुन नसक्ने चेतावनी दिएका छन् ।

फलिस्तिनी स्वास्थ्य मन्त्रालयका अनुसार, गाजामा दुई वर्षदेखि जारी संघर्षका कारण ६७ हजारभन्दा बढी मानिसले ज्यान गुमाइसकेका छन् ।