मेटामा अब सेलेब्रटीसँग कुराकानी

मेटा भर्स फेसबुक र इन्स्टाग्राम प्रयोगकर्ताहरूले अब चर्चित रेसलर एवं अभिनेता जोन सीना र जुडी डेन्च जस्ता आवाजहरूसँग कुरा गर्न सक्ने भएका छन् । ती प्ल्याटफर्महरुमा वास्तविक अभिनेताहरू भने हुने छैनन्, यद्यपि कृत्रिम च्याटबोटका आधारमा उनिहरुको आवाजसँग अन्र्तक्रिया भने गर्न सकिने जनाईएको छ ।

मातृ कम्पनी मेटाले बुधवार एउटा घोषणा गर्दै अब फेसबुक तथा ईन्स्टाग्राममा चर्चित सेलिब्रटीको आवाजमा कुराकानी गर्न सकिने गरी एआई च्याटबोट तथा मेटा एआईमा सुविधा थप्दैछ । अब, प्रयोगकर्ताले च्याटबोटलाई सामान्य सन्देश पठाउनु मात्र नभई, रियल टाईम कुराकानी गर्नका लागि कम्प्युटरबाट उत्पन्न हुने आवाज वा आफुले रोजेको सेलिब्रेटीको आवाज चयन गर्न सक्छन् ।

मेटाले आफ्नो AI च्याटबोटलाई अझ परिस्कृत तथा प्रयोगकर्तामैत्री बनाउने क्रममा खोज गर्दा यो सेवा उपलब्ध गराएको हो । यसमा प्रयोगकर्ताहरूले फेसबुक, इन्स्टाग्राम, व्हाट्स एप र थ्रेडहरूमा च्याट गर्न सक्छन् । मेटाका सीईओ मार्क जुकरबर्गका अनुसार मेटा एआई यस वर्षको अन्त्यसम्म “विश्वमा सबैभन्दा बढी प्रयोग हुने एआई” का रुपमा बिकसित भईरहेको छ । उनले हरेक दिन कम्पनीका एपहरू प्रयोग गर्ने करिब ३ अरब भन्दा बढी मानिसहरूलाई यसले मद्दत गर्न सक्ने दाबि समेत गरेका छन् ।

एजेन्सी