एनपीएलको अक्सन असोज २० गते

आगामी नोभेम्बर ३० देखि हुने नेपाल प्रिमियर लिग (एनपीएल) का लागि ४ सय २६ जना नेपाली खेलाडीहरुले नाम दर्ता गराएका छन् ।

नेपाल क्रिकेट संघ क्यानले बुधबार एक बिज्ञप्ती जारी गर्दै एनपीएलका लागि ५ गतेबाट १२ गतेसम्म संचालन भएको दर्ता प्रक्रियामा ४ सय बढीको संख्यामा नेपालि क्रिकेट खेलाडीहरुले आफ्नो नाम दर्ता गराएका हुन् ।

त्यस्तै, दर्ता भएका कूल ४२६ जना खेलाडीहरु मध्येबाट एनपीएल लिग तयारी समितिले अक्सनमा सहभागी हुने १४२ जना खेलाडीहरुको सूची पनि प्रकाशित गरेको बिज्ञप्ति मार्फत जानकारी दिईएको छ । प्रतियोगितामा सहभागी हुने खेलाडीको अक्सन असोज २० गते हुने संघले जनाएको छ ।