काँग्रेस–एमाले गठबन्धन संविधान संशोधनकै लागि भएको होः उपप्रधानमन्त्री सिंह

उपप्रधान तथा शहरी विकास मन्त्री प्रकाशमान सिंहले काँग्रेस–एमालेको गठबन्धन संविधान संशोधनकै लागिभएको स्पष्ट पारेका छन् ।

आज आईतबार सोलुखुम्बु जिल्लाको एक मात्र नगरपालिका सोलुदुधकुण्ड नगरपालिकाको प्रशासकिय भवनको शिल्यान्यास पश्चात उनले संविधानलाई सबैको अपनत्व कायम गर्न संशोधनको आवश्यक रहकाले पनि ठुलो दलका हिसावले काँग्रेस–एमालेको गठबन्धन बनेको बताए । बाहिरी हल्ला झैं अहिलेको गठबन्धन टुटी हाल्ने गरी बनेको गठबन्धन नभएको स्पष्ट पार्दै यही सरकारले २०८४ को निर्वाचन गराउने जिकिर गरे ।

वि.स. २०४६ सालमा पहिलो पल्ट आफ्ना बुबा गणेशमान सिंहसँगै सोलुखुम्बु आएको स्मरण गर्दै उनले ४० वर्ष पछि पर्यटकिय जिल्ला सोलुखुम्बु आउँदा विकासले फड्को मारेको महशुस भएको बताए । जिल्लाको विकास हेर्दा केही भएको छैन भन्ने भाष्य निर्माण गर्दै निराशा फैल्याउन खोजिएको प्रति आपत्ति समेत प्रकट गरे ।

यस्तै सोलुखुम्बुका संघीय सांसद एवं रक्षामन्त्री मानविर राईले अहिलेको सरकारले भष्टचार गर्ने जोकोहिलाई पनि नछाड्ने बताए । सोलुखुम्बुको सम्रग विकास निर्माणका लागि आफु क्रियाशिल रहेको जनाउँदै उनले चाँडै नै सगरमाथा क्षेत्र जाने सडकको चाँडै नै प्रधानमन्त्री स्वयंले उद्घाटन गर्ने कार्यक्रम तय भएको बताए ।

कार्यक्रममा बोल्दै कोशी प्रदेशका सांसद एवं पुर्व मन्त्री बुद्धिकुमार राजभण्डारीले सोलुखुम्बुले सबैभन्दा बढि राजश्व सरकारलाई बुझाउने भएपनि सोलुखुम्बुका लागि बजेट भने कम आएको भन्दै गुनासो गरेका छन् । जिल्लामा संकलन भएको राजश्व जिल्लामा नै खर्च गर्नुपर्ने तर्क राख्दै उनले पर्यटन रोयल्टीलाई मात्र सदुपयोग गर्ने हो भने राज्यले अन्य क्षेत्रको रकम यस जिल्लामा लगानी गर्न नपर्ने बताए ।

नेपाली कांग्रेसका केन्द्रिय सदस्य आङगेलु शेर्पाले सोलुखुम्बुमा सोचे अनुरुपको विकास हुन नसकेकाले राज्यले जिल्लाको आवश्यक्ता तथा विकासका लागि ध्यान दिन आवश्यक रहेको बताए । सोलु दुधकुण्ड नगरपालिकाका मेयर नाम्गेल जाङबु शेर्पाले केन्द्र र प्रदेश सरकारसँग सानो योजनाका लागि नगरपालिकाले बजेट माग नगर्ने बताए ।

जिल्ला समन्वय समिति, सोलुखुम्बुले हस्तान्तण गरेको २ रोपनी जग्गामा ईटाको जग हालेर मन्त्रीद्वयले भवनको शिलान्यास गरेका हुन् । नगरपालिकाको प्रशासनिक भवन निर्माणका लागि भ्याटसहित ७ करोड १४ लाख १९ हजार ३ सय ६३ रुपैयाँमा आगामी २०८२ साल चैत ३० गते सम्पन्न गर्ने गरि २०८१ साल कार्तिक ५ गते आर.एम.सि.पिआर.एच.बि जेभिले ठेक्का सम्झौता भएको छ ।