एनपिएलको उपाधिका लागि सुदरपश्चिम र जनकपुर भिड्ने

पछिल्लो समय अन्र्तराष्ट्रिय स्तरमा निक्कै चर्चा कमाई रहेको नेपाल प्रिमियर लिग (एनपिएल)को आज फाईनल खेल हुँदैछ ।

पहिलो संस्करणको एनपिएलको उपाधिका लागि आज सुदूरपश्चिम रोयल्स र जनकपुर बोल्ट्स भिड्दैछन् । नेपाली क्रिकेटको महाकुम्भ एनपिएलको फाइनल खेल त्रिवि क्रिकेट मैदान कीर्तिपुरमा दिउँसो १२ः१५ बजे सुरु हुनेछ ।

सुदूरपश्चिम रोयल्सको कप्तानमा दीपेन्द्रसिंह ऐरी छन् भने जनकपुर बोल्ट्सको कप्तानमा आशिफ शेख रहेका छन् ।

दुवै टोलीले उपाधि हात पार्ने लक्ष्यसहित मैदानमा उत्रदै छन् । फाइनल खेल रोमाञ्चक बन्ने अपेक्षा गरिएको छ । ३१ खेलपछि सुदूरपश्चिम रोएल्स र जनकपुर बोल्ट्स फाइनलका लागि भिड्न तयार छन् ।

लिग चरणमा शीर्ष दुईमै रहेका दुई टोली क्वालिफायर जित्दै फाइनलमा पुगेका हुन् । त्यसैले उत्कृष्ट दुई टोलबीच नै फाइनल पुगेको भन्न सकिन्छ ।