सिरियाली नौसेना माथि ईजरायली आक्रमण तिब्र

ईजरायलले सिरियाको नौसैनिक बेडामा आक्रमण गरेको छ । ईजरायली रक्षा बल (आईडीएफ) ले विज्ञप्ती मार्फत सोमबार राति अबल बायदा र लाटाकिया बन्दरगाहमा डक गरि राखिएका जहाज माथि आक्रमण गरी ध्वस्त बनाएको जनाएको छ ।

सिरियाको लाटाकियाको बन्दरगाहमा विष्फोट देखाउने भिडियो फुटेजमा जहाज र बन्दरगाहका केही भागहरूमा व्यापक क्षति भएको देखाइएको बिबिसीले छ ।

इजरायलले असद शासनको पतन पछि देशमा सैन्य सम्पत्तिलाई बेअसर गर्ने प्रयासको रूपमा सिरियाको नौसैनिक बेडामा आक्रमण गरेको पुष्टि गरेको हो ।

बीबीसीले सिरिया र कब्जा गरिएको गोलान हाइट्स बीचको डिमिलिटराइज्ड बफर जोनमा जमीनी सेनाहरू सार्दै गर्दा सिरियाभरका लक्ष्यहरूमा आफ्ना युद्धक विमानहरूले ३ सय ५० भन्दा बढी हवाई हमला गरेको पनि आईडीएफले जनाएको छ ।

यसअघि, बेलायतमा रहेको सिरियन अब्जर्भेटरी फर ह्युमन राइट्सले आइतवार विद्रोहीहरूले सिरियाली सरकारलाई परास्त गरिएपछि आईडीएफद्वारा ३१० भन्दा बढी आक्रमणको दस्तावेजीकरण गरेको बताएको थियो ।

यसैबीच, आईडीएफले इजरायलले कब्जा गरेको गोलान हाइट्सको सिमानामा रहेको बफर जोनभन्दा बाहिर सिरियाली क्षेत्रमा आफ्नो सेना परिचालन गरेको पुष्टि गरेको छ ।