नेपाल प्रिमियर लिग (एनपिएल) मा उत्कृष्ट खेलाडीले गाडी पाउने भएका छन् । मंशिर १५ गतेबाट शुरु हुने प्रतियोगितामा उत्कृष्ट खेल प्रर्दशन गर्ने खेलाडीले गाडी पाउने भएका हुन् ।
आयोजक नेपाल क्रिकेट संघ तथा एनपिएलको व्यवसायिक अधिकार व्यवस्थापन गरिरहेको ब्रान्ड लजिकसँग शारडा समूहले सम्झौता गर्दै गाडी प्रदान गर्ने उल्लेख गरेको हो ।
ब्रान्ड डिजिटल लजिक प्रालिका प्रमुख कार्यकारी अधिकृत रोशन निरौला र शारडा समूह अन्तर्गतको एसपिजि अटोमोबाइल्सका निर्देशक गौरव शारडाले सम्झौता पत्रमा हस्ताक्षर गरेका छन् ।
क्यानका सचिव पारस खड्काले एनपिएलको फाइनलको दिन प्रतियोगितामा उत्कृष्ट प्रदर्शन गरेका नेपाली खेलाडीले गाडी पाउने जानकारी गराए । उनले नेपाली क्रिकेटको इतिहास मै यो पहिलो पटक हुने भन्दै एनपिएल खेलेपछि कम्तिमा खेलाडीले गाडी चढ्नु पर्छ भन्ने लक्ष्यका साथ यो कदम चालिएको समेत बताए ।
पुस ६ गतेसम्म चल्ने प्रतियोगितामा कर्णाली याक्स, काठमाडौँ गोरर्खाज, लुम्बिनी लायन्स, पोखरा एभेन्जर्स, चितवन राइनोज, विराटनगर किङ्ग्स, जनकपुर बोल्ट्स, र सुदूरपश्चिम रोयल्स गरी आठ टोलीको सहभागिता रहेको छ ।
प्रतियोगिताका खेल कीर्तिपुरस्थित त्रिभुवन विश्वविद्यालय क्रिकेट मैदानमा आयोजना हुनेछन् ।
क्यानका सचिव पारस खड्काले एनपिएलको फाइनलको दिन प्रतियोगितामा उत्कृष्ट प्रदर्शन गरेका नेपाली खेलाडीले गाडी पाउने जानकारी गराए । उनले नेपाली क्रिकेटको इतिहास मै यो पहिलो पटक हुने भन्दै एनपिएल खेलेपछि कम्तिमा खेलाडीले गाडी चढ्नु पर्छ भन्ने लक्ष्यका साथ यो कदम चालिएको समेत बताए ।
प्रतिक्रिया