एसिसी यु–१९ एसिया कपमा सहभागि हुने क्रिकेट टिमलाई बिदाई (खेल तालिका सहित)

एसिसी यु–१९ एसिया कपमा सहभागि हुन युएई जाने नेपालि क्रिकेट टोलीलाई बिदाई गरिएको छ ।

संयुक्त अरब इमिरेट्स (युएई) तर्फ लागेका नेपाली टोलीलाई नेपाल क्रिकेट सङ्घ (क्यान)ले सफलताको शुभकामना सहित बिदाइ गरेको हो ।

मङ्सिर १४ देखि २३ गतेसम्म हुने एसिया कपमा नेपाल समूह ‘बी’ मा अफगानिस्तान, बङ्गलादेश र श्रीलङ्कासँग रहेको छ । नेपालले प्रतियोगिता उद्घाटनकै दिन श्रीलङ्कासँग खेल्नेछ । त्यस्तै नेपालले दोस्रो खेल १६ गते बङ्गलादेशसँग खेल्नेछ भने तेस्रो खेल १८ गते अफगानिस्तानसँग खेल्ने छ ।

 

शक्ति गौचन मुख्य प्रशिक्षक रहेको नेपाली टिमको कप्तानी हेमन्त धामीले गर्दैछन् । टिममा उप कप्तान अर्जुन कुमाल छन् । त्यस्तै टोलीको अन्य सदस्यमा आकाश त्रिपाठी, रञ्जित कुमार,उत्तम थापामगर, मायन यादव, नरेन साउद, युनिशविक्रम सिंह ठकुरी, सन्तोष यादव, युवराज खत्री, रोशन विश्वकर्मा, नरेन भट्ट, विपिनकुमार महतो, अपराजित पौडेल र अभिषेक तिवारी छन् ।

 

क्यानद्वारा आयोजित शुभकामना तथा बिदाई कार्यक्रममा राष्ट्रिय खेलकुद परिषद् (राखेप) का सदस्य सचिव टङ्कलाल घिसिङ, क्यानका सचिव पारस खड्कालगायतले नेपाली टोलीलाई बिदाइ गरेका थिए ।