रुस-युक्रेन युद्धको सबैभन्दा ठुलो ड्रोन आक्रमण

रुस र युक्रेनले युद्ध सुरु भएयता एकअर्का विरुद्ध सबैभन्दा ठूलो ड्रोन आक्रमण गरेका छन् ।

रुसको रक्षा मन्त्रालयले पनि ६ वटा क्षेत्रमा ७० युक्रेनी ड्रोनलाई रोकेको बताएको छ, जसमा केही मस्को पुगेका छन् जसले राजधानीका तीन प्रमुख एयरपोर्टबाट उडानहरू डाइभर्ट गर्न बाध्य पारेको बिबिसीले जनाएको छ । उता युक्रेनी वायुसेनाले रुसका तर्फबाट १४५ ड्रोन प्रक्षेपण गरेको र धेरैजसो बिभिन्न क्षेत्रमा खसेको बताएको छ ।

अमेरिकी राष्ट्रपतिमा निर्वाचित डोनाल्ड ट्रम्पले द्वन्द्व अन्त्य गर्न दुवै पक्षलाई दबाब दिन सक्ने अपेक्षाको बीचमा ब्यारेज आएको हो ।

युक्रेनले रुसको राजधानी नजिकै गरेको ड्रोन हमलामा एक जना घाइते भएको बताइएको छ । सामाजिक सञ्जालमा भएका तस्बिरहरूले एउटा आवासीय भवनमा आगलागी भएको देखाएको छ । अधिकांश ड्रोनहरू रामेन्सकोये, कोलोम्ना र डोमोडेडोभो जिल्लामा खसालेको अधिकारीहरुलाई उत्दृत गर्दै बिबिसीले जनाएको छ ।

सेप्टेम्बरमा रामेन्सकोयेमा भएको ड्रोन आक्रमणमा एक महिलाको मृत्यु भएको थियो । गत वर्षको मे महिनामा मध्य मस्कोको क्रेमलिन नजिक दुईवटा ड्रोनहरू ध्वस्त भएका थिए र मस्कोको व्यापारिक क्षेत्रमा धेरै ड्रोन आक्रमणहरू भएका थिए ।