अस्ट्रेलियालाई ११ रनले पराजित गर्दै नेपाल द हङकङ सिक्सेसमा आफ्नो अपराजित यात्रालाई कायम राख्दै क्वाटरफाईनलमा प्रवेश गर्न सफल भएको छ ।
यसअघि इंग्ल्याण्ड नेपाल र अष्ट्रेलियासँग पराजित भएपछि एक खेल अघि नै अघिल्लो चरणमा प्रवेश गरेको नेपालले आजको खेलमा अष्ट्रेलिया बिरुद्ध जित निकालेसँगै आफ्नो अपराजित खेलको श्रृखंलालाई निरन्तरता दिएको हो ।
नेपालले दिएको १ सय १२ रनको लक्ष्य पछ्याएको अस्ट्रेलियाले ६ ओभरमा १ सय रन मात्र बनाउन सक्यो । अस्ट्रेलियाका लागि ज्याक वुडले १६ बलमा ४ चौका र ६ छक्काको सहयोगमा नट आउट ५५ रन बनाए । एलेक्स रोसले १४ रन बनाए ।
नेपालका लागि कप्तान सन्दीप जोराले १६ बलमा ५ चौका र ४ छक्काको सहयोगमा नट आउट ५१ रन बनाए । सन्दीप ५१ रन बनाउँदै रिटार्यट भएपछि क्रिजमा आएका विवेक यादवले ४ बलमा २ छक्काको सहयोगमा १२ रन बनाए । लोकेस बमले १३ बलमा ३ चौका र ३ छक्काको सहयोगमा ३३ रन जोडे ।
नेपालले आजै १ः३५ मा हुने क्वाटरफाइनल खेल्नेछ ।
प्रतिक्रिया