बंगलादेश दोस्रो पटक विजेता बन्दा नेपाल छैंटौ पटक उपबिजेता

साविक विजेता बंगलादेशले घरेलु टोली नेपाललाई हराउँदै लगातार दोस्रो पटक साफ महिला च्याम्पियनसिपको उपाधि जितेको छ । दशरथ रंगशालामा बुधबार सम्पन्न फाइनलमा नेपाललाई २–१ ले हराउँदै बंगलादेशले उपाधि रक्षा गर्यो ।

बंगलादेशका लागि मोनिका चक्मा र ऋतु पोर्ना चक्माले १–१ गोल गरे । नेपालको लागि अमिशा कार्कीले बराबरी गोल फर्काएपनि नेपाल खेलमा फर्कन सकेन ।

बंगलादेशले लगातार दोस्रो पटक उपाधि जित्दा नेपाल भने छैटौं पटक फाइनलमा पराजित हुन पुग्यो ।