इजरायलद्धारा संयुक्त राष्ट्र प्यालेस्टिनी शरणार्थी एजेन्सी माथि प्रतिबन्ध

इजरायलको संसदले संयुक्त राष्ट्र प्यालेस्टिनी शरणार्थी एजेन्सी (Unrwa) लाई तीन महिना भित्र इजरायल र इजरायलले कब्जा गरेको पूर्वी जेरुसेलम भित्र काम गर्न प्रतिबन्ध लगाउने कानून पारित गरेको छ ।

यो कानुन लागु भएसँगै Unrwa कर्मचारीहरू र इजरायली अधिकारीहरू बीचको सम्पर्कमा पनि प्रतिबन्ध लाग्ने जनाईएको छ । यता गाजा तथा इजरायली कब्जामा रहेको क्षेत्रमा संचालित वेस्ट बैंकको एजेन्सीको कार्य क्षेत्रलाई समेत सीमित गर्ने बिबिसीले जनाएको छ ।

यो कानुन पारित भएसँगै संयुक्त राष्ट्र संघको त्यस क्षेत्रमा रहेको एक मात्र सहयोग तथा पुर्नस्थापना कार्य पुर्ण रुपमा प्रभावित हुने भएको छ । यसले ईजरायलि क्षेत्रबाट गाजाँ क्षेत्रमा जाने बाटोहरु पुर्ण रुपमा बन्द हुने छ भने युद्धग्रस्त क्षेत्रमा सहायता हस्तान्तरण गर्न Unrwa ले सक्ने छैन ।

Unrwa कर्मचारीहरु अब इजरायल भित्र कानूनी प्रतिरक्षा उपलब्ध हुने छैन । पूर्वी जेरुसेलममा रहेको एजेन्सीको मुख्यालय समेत बन्द हुनेछ ।

संयुक्त राष्ट्रका महासचिव एन्टोनियो गुटेर्रेसले कानूनको कार्यान्वयनले इजरायल–प्यालेस्टाइन द्वन्द्वको समाधान र समग्रमा यस क्षेत्रको शान्ति र सुरक्षाका लागि हानिकारक हुने प्रतिक्रिया दिएका छन् ।

अमेरिका, बेलायत र जर्मनीलगायत धेरै देशहरूले यो कदमप्रति गम्भीर चिन्ता व्यक्त गरेका छन् ।