अन्र्तराष्ट्रिय स्तरको एआई सम्मेलन काठमाण्डौमा शुरु

‘आर्टिफिसियल इन्टेलिजेन्स’ (एआई) का बारेमा जानकारी आदानप्रदानको उद्धेश्य सहित आईतबारबाट काठमाण्डौमा अन्तर्राष्ट्रिय ‘आर्टिफिसियल इन्टेलिजेन्स’ (एआई) सम्मेलन सुरु भएको छ ।

नेपाल कम्युनिष्ट पार्टी (एमाले) निकट राष्ट्रिय युवासङ्घ नेपालद्वारा आयोजित अन्तर्राष्ट्रिय ‘आर्टिफिसियल इन्टेलिजेन्स’ (एआई) सम्मेलन सुरु भएको हो ।

२ दिने सम्मेलनको प्रधानमन्त्री केपी शर्मा ओलीले उद्घाटन गरेका छन् । युवा संघका अध्यक्ष क्षितिज थबेका अनुसार सम्मेलनमा ‘आर्टिफिसियल इन्टेलिजेन्स’का विकास र उपयोगबारे राजनीतिक दल र सर्वसाधारणलाई जानकारी दिने उद्देश्य रहेको छ ।

सम्मेलनमा विभिन्न १० वटा समूहगत विषयमा छलफल गरिने सङ्घका महासचिव सुमन पुरीले जानकारी दिए । उनका अनुसार ती छलफलमा विदेशबाट आएका एआईका विज्ञहरुले समेत सहभागिता जनाउने छन। युरोपियन युनियन, जापान, उत्तर कोरिया, बेलायतलगायत देशबाट विज्ञ सहितका प्रतिनिधि आएका उनले बताए ।

सो सम्मेलनको प्रत्यक्ष प्रसारण राष्ट्रिय युवासङ्घ नेपालको फेसबुक पेज  https://www.facebook.com/yfnepal.org बाट हेर्न सकिनेछ ।