ऊर्जा संकट कम गर्न ४०० मिलियन ब्यारेल मौज्दात तेल बजार पठाइने

पश्चिम एसियामा जारी संकटका बीच ‘अन्तर्राष्ट्रिय ऊर्जा एजेन्सी’ले ३२ सदस्य राष्ट्रहरूको आपत्कालीन भण्डारबाट ४०० मिलियन ब्यारेल (४० करोड ब्यारेल) तेल बाहिर ल्याउने घोषणा गरेको छ । यसको उद्देश्य वैश्विक तेल बजारमा आएको आपूर्ति अवरोध हटाउनु भएको बताइएको छ ।

यो आपत्कालीन तेल भण्डार प्रत्येक सदस्य राष्ट्रको परिस्थितिअनुसार तोकिएको समयसीमाभित्र बजारमा उपलब्ध गराइने बताइएको छ । यसबाहेक, केही देशहरूले यस कदमका साथै थप आपत्कालीन उपायहरू पनि लागु गर्नेछन् ।