ओखलढुंगामा राष्ट्रिय स्वतन्त्र पार्टीका विश्वराज पोखरेल निर्वाचित भएका छन् । नेपाली कांग्रेसका उम्मेदवार कुमार लुइँटेललाई ५ मतले पछि पार्दै राश्वपाका पोखरेल निर्वाचित भएका हुन् । १३ हजार ९ सय ५३ मत ल्याएर पोखरेल विजयी हुँदा कांग्रेसका लुइँटेलले १३ हजार ९ सय ४८ मत प्राप्त गरेका छन् ।
नेकपाका उम्मेदवार अम्बिरबाबु गुरुङले ११ हजार २ सय ९६ मत ल्याउँदा एमालेकी उम्मेदवार अस्मिता थापा १० हजार ७ सय २० मत ल्याएर चौथो भइन् ।
श्रम संस्कृति पार्टीका उम्मेदवार डा उद्धव राईले ३ हजार ८ सय ५८ मत ल्याए । ।
१५ जना उम्मेदवार मध्ये ५ जना बाहेक अन्यले हजार मत समेत कटाउन सकेका छैनन् ।
१ लाख २२ हजार ७ सय १५ मतदाता रहेको ओखलढुंगामा फागुन २१ गते भएको प्रतिनिधिसभा निर्वाचनमा ५९ हजार ७९ मत खसेको थियो ।
३ हजार ३ सय ५६ मत बदर भएको छ ।
यसअघि २०६४ सालमा तत्कालिन माओवादी र २०७० यता कांग्रेस–एमालेले पालैपालो जित्दै आएको ओखलढुंगामा यो निर्वाचनमा राश्वपाले जित निकालेको छ ।
देशभर आएको राश्वपाको लहर, कांग्रेसमा पुराना लाई पाखा लगाएर नयाँलाई दिएको टिकट र कम्युनिष्ट पार्टीभित्र आएको विद्रोहका कारण पनि पुराना दलको गढमा नयाँलाई जित निकाल्न सहज भएको छ ।
प्रतिक्रिया