सुनको भाउ हालसम्मकै उच्चः तोलाको ३ लाख ९ हजार

नेपाली बजारमा सुनको भाउले नयाँ कीर्तिमान कायम गरेको छ ।

आज छापावाल सुनको भाउ तोलामा ५ हजार २ सय रुपैयाँले बढेर तोलाको ३ लाख ९ हजार रुपैयाँमा कारोबार भइरहेको छ । यो नेपाली बजारमा हालसम्मकै सर्वाधिक भाउ हो ।

हिजो आइतबार सुनको भाउ तोलाको ३ लाख ३ हजार ८ सय रुपैयाँ थियो । शुक्रबारको तुलनामा आइतबार सुनको भाउ २ हजार ४ सय रुपैयाँले बढेको थियो ।

त्यसैगरी चाँदीको भाउ पनि आज बढेको छ । आज चाँदी तोलाको ६ हजार ७ सय ६५ रुपैयाँमा कारोबार भइरहेको छ । हिजो आइतबार चाँदी प्रतितोला ६ हजार ४ सय ८० रुपैयाँमा कायम थियो ।

शुक्रबार चाँदी तोलाको ६ हजार १ सय ९० रुपैयाँ थियो ।