नेकपा एमालेको आसन्न ११ औं महाधिवेसनका लागि अहिले देशैं भरी प्रतिनिधि छनौटको चटारो छ । मंशिर २७ गतेबाट २९ गतेसम्म काठमाण्डौमा हुने महाधिवेसनमा जिल्ला जिल्लाबाट प्रतिनिधि छनौट भई जानका लागि सबै क्षेत्रबाट उम्मेद्धारी तथा आफ्नो दावि प्रस्तुत गर्ने क्रम बढ्दो छ ।
काठमाण्डौ क्षेत्र नं ४ को युवा क्लस्टरबाट महाधिवेसन प्रतिनिधिमा रामशरण सापकोटा तथा प्रकाश कुटवालले उम्मेद्वारी दिएका छन ।
नेकपा एमालेको ११ औ महाधिवेसनका लागि यहि मङ्सिर १३ गते हुने प्रतिनिधि छनौटक निर्वाचनमा उम्मेदवार बनेका सापकोटा लामो समय देखि विभिन्न जिम्मेवारीमा सक्रिय रहेका छन ।
२०६२र६३ को जन आन्दोलन पश्चात युवा संघ नेपाल कपन गाउँ कमिटीमा सदस्यका रुपमा योगदान दिएका उनले २०६५ सालको विषम परिस्थितिमा युथ फोर्सको गाउँ कमिटी संयोजक तथा शाखा कमिटीको उपाध्यक्षका रुपमा काम गरेका थिए ।
हाल नेकपा एमाले काठमाडौं जिल्ला कमिटी सदस्य तथा बुढानिलकण्ठ नगरपालिका वडा नं १२ को इन्चार्ज समेत रहेका सापकोटाले युवा संघ नेपाल काठमाण्डौ क्षेत्र नं ४ र वडा नं १२ कमिटीको सचिव रहेर योगदान पुर्याएका थिए ।
यता युवा तर्फ नै प्रकाश कुटवालले उम्मेद्धारी दर्ता गराएका छन् । २०६२ सालमा पशुपति क्याम्पसमा अनेरास्ववियुबाट राजनीतिक यात्राको सुरुवात गरेका युवा नेता कटुवालले २०६३ सालमा कपन गाविस युवा संघका कोषाध्यक्ष भएर औपचारिक नेतृत्व भूमिकामा प्रवेश गरेका थिए । त्यसपछि बुढानिलकण्ठ नगरपालिका–११ मा दुई कार्यकाल उपाध्यक्ष बनेर स्थानीय तहमा युवाहरूको सक्रियता र विकास–अभियानलाई संस्थागत गर्दै आएका छन् ।
कटुवालले “जनताको सपना र विकासको प्रतिवद्धतासहित काठमाडौं–४ को सम्मान, हकहित र समृद्ध राष्ट्र निर्माणमा युवा नेतृत्व अपरिहार्य छ” भन्दै उम्मेदवारी घोषणा गरेका छन् ।
प्रतिक्रिया