परालको आगोको ४० दिनमा सकियो छायाङ्कन

 ४० दिनमा फिल्म ‘परालको आगो’को छायाङ्कन सकिएको छ। निर्माण टिमले दसैँ अघिबाट म्याग्दीको विभिन्न स्थानबाट छायाङ्कन थालेको यो फिल्मको छायाङ्कन मंगलबार सकाएको हो। 

फिल्मको सुटिङ सकेसँगै निर्माण टिमले तीन फरक फरक लुक्सका तस्बिर र रिलिज डेट समेत सार्वजनिक गरेको छ। यो फिल्म आगामी बैशाख ११ गतेबाट प्रदर्शनमा आउने निर्माता सुशील पोखरेलले बताए।

उनले फिल्मको चार वटा गीत सहित सम्पुर्ण छायाङ्कन पुरा भएको र रिलिज डेट समेत तोकेको बताए। उनले जेनजी आन्दोलन चलिरहेको बेलामा यो फिल्मको छायांकनमा अवरोध भएता पनि टेक्निसियन तथा निर्देशकको खटाईले काम चाँडो सकिएको बताए। 

गुरुप्रसाद मैनालीको चर्चित कथामा निर्माण गरिएको यो फिल्ममा सौगात मल्ल,प्रकाश सपुत, सुहाना थापा, सिर्जना अधिकारी, शंकर आचार्य, किशोर भण्डारी, कुलदीप अधिकारी, सरिता भण्डारी, रेणु न्यौपानेका साथै बालकलाकार एन्जिला बाँनियाको अभिनय रहेको छ । सुशील देवकोटाको लेखन रहेको यो फिल्मको निर्देशन लक्ष्मण सुनारले गरेका छन्।