अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) सोलुखुम्बुको अध्यक्षमा नरेन्द्र कुलुङ निर्वाचित भएका छन् ।
आज माप्य दुधकोशी गाउँपालिका खास्तापमा सम्पन्न १२ औँ अधिवेशनले कुलुङलाई अध्यक्षमा निर्विरोध निर्वाचित गरेको हो । कुलुङको अध्यक्षतामा ३१ सदस्यीय जिल्ला किमिटी चयन गरिएको छ ।
उपाध्यक्षमा मिङमा याङजी र खड्ग विक, सचिवमा देवेन्द्र ढुंगेल, सहसचिवमा मिङमा शेर्पा, चादनी राई र मिङमार शेर्पालाई चयन गरिएको छ । यस्तै कार्यालय सचिवमा दावा शेर्पा, कोषाध्यक्षमा भेष कुमार विकलाई चयन गरिएको छ ।
अनेरास्ववियु केन्द्रीय सचिव मनोज चाम्ली लिम्बुकोले निर्वाचित कमिटीलाई शपथ ग्रहण गराए ।
कार्यक्रममा नेकपा एमाले जिल्ला कमिटी सोलुखुम्बुका अध्यक्ष डुफकुमार बास्तोला, उपाध्यक्ष शिशिर खालिङ, उप सचिव मोहन कुमारी कार्की, माप्य दुधकोशी गाउँपालिका अध्यक्ष बुद्धि किरण राई लगायतका सबै पालिकाबाट प्रतिनिधिका रूपमा आएका विद्यार्थीहरूको उपस्थिति रहेको थियो ।
प्रतिक्रिया