प्रेस चौतारीको संरचना आफैंमा ठूलो मिडिया हाउस हो : महासचिव शंकर पोखरेल

नेकपा एमालेका महासचिव शंकर पोखरेलले प्रेस चौतारीको देशव्यापी संरचना नै एउटा ठूलो सञ्चार गृहको हैसियतमा रहेको बताएका छन् ।

प्रेस चौतारी नेपालको नवनिर्वाचित टिमलाई आज बधाइ दिंदै महासचिव पोखरेलले देशैभरीका गतिविधी संकलन गरेर प्रेस चौतारी केन्द्रले त्यस्ता गतिविधीलाई आम सञ्चार माध्यमसम्म पुर्याउने सामर्थ्य राख्ने पोखरेलले बताए । ‘प्रेस चौतारीमा आवद्ध पत्रकारहरुले एक ठाउँका समाचार अर्को ठाउँमा सजिलै पुर्याउन सक्छन्’ पोखरेलले भने समाचार विष्लेषण, टिप्पणी आदि लेख्न हैसियत राख्दछन् । चौतारीको यो सामथ्र्यलाई पार्टीको हितमा प्रयोग गर्नुपर्दछ । ’ चौतारीमा छापा, विद्युतीय, न्यू मिडिया र सोसल मिडिया सञ्चालनमा राम्रो दखल भएका पत्रकारहरु भएको महासचिव पोखरेलले बताए ।

महासचिव पोखरेलले प्रेस चौतारी कार्यकर्ता उत्पादन गर्ने संगठन भन्दा पनि पार्टीका पक्षमा समाचार र बिचार उत्पादन गर्ने संगठन भएको बताए । उनले पार्टी गतिविधीका समाचार, पार्टीले आम जनतामा पुर्याउनु विषयहरु र पार्टीका प्रहार विरुद्ध चौतारीले संगठित रुपमा प्रतिवाद गर्नुपर्ने बताउनुभयो । ‘चौतारीका सदस्यहरुको दोहोरो भूमिका हुन्छ । चौतारीका सदस्यहरु पार्टी कार्यकर्ता पनि हुन् दोस्रो उनीहरु पत्रकार पनि हुन्’ पोखरेलले भने ‘तपाईंहरुले बढ्दा क्याडर हुँदा पत्रकारिता क्षेत्र छुट्न पनि सक्छ । बढी व्यावसायिक पत्रकार हुँदा पार्टीका विरुद्ध हुन पनि सक्छ । त्यसैले यस कुरामा विशेष ध्यान दिनुहोला । ’ प्रेस चौतारीले पार्टीको नीति र नेतृत्वलाई आम जनता समक्ष स्थापित गर्न सदा क्रियाशिल हुनुपर्ने महासचिव पोखरेलले बताए।

पार्टीका विरुद्ध भएका मिडिया हमला, साइवर हमलाको प्रतिवादका लागि चौतारी अग्रपंक्तीमा आउनु पर्ने उनको भनाइ छ । ‘एमालेको नेतृत्व विरुद्ध विरोधीहरुले सम्पूर्ण शक्ति परिचालन गरेका छन् । त्यसको प्रतिवादमा पार्टीको सानो हिस्सा मात्र लागेको छ । सुचना र प्रविधिलाई पार्टीको हितमा प्रयोग गर्न सबैलाई प्रोत्साहित गर्नुपर्दछ । ’

आजै एमालेका वरिष्ठ उपाध्यक्ष ईश्वर पोखरेलले पनि चौतारीको टिमलाई बधाइ तथा शुभकामना दिनु भएको छ ।

बधाइ कार्यक्रममा पार्टीको जनसंगठन समन्वयका इन्चार्ज भानुभक्त ढकाल, प्रचार तथा प्रकाशन विभागका प्रमुख राजेन्द्र गौतम,प्रेस चौतारीका निवर्तमान अध्यक्ष गणेश बस्नेत लगायतको उपस्थिती थियो ।

चौतारीका अध्यक्ष गणेश पाण्डेले १० औं महाधिवेशनबाट निर्वाचित नेतृत्वले सक्रियतापूर्वक काम सुरु गरेको बताए।