शिक्षक संगठन, सोलुखुम्बुको अध्यक्ष कार्की

नेपाल राष्ट्रिय शिक्षक सङ्गठन सोलुखुम्बुको अध्यक्षमा खिलक बहादुर कार्की निर्वाचित भएका छन् । शनिबार सल्लेरीमा सम्पन्न १३ औं जिल्ला अधिवेशनले खिलक बहादुर कार्कीलाई अध्यक्षमा निर्विरोध निर्वाचित गरेको हो । कार्कीको अध्यक्षतामा १५ सदस्यीय समिति चयन गरिएको नेपाल राष्ट्रिय शिक्षक सङ्गठन सोलुखुम्बुका निवर्तमान सचिव नवराज राईले जानकारी दिए । उपाध्यक्षमा झनक बहादुर बस्नेत महिला उपाध्यक्षमा अम्बिका बस्नेत, सचिवमा चित्र बहादुर कार्की, सहसचिवमा चुडा कुमारी कार्की, कोषाध्यक्षमा भेषराज पौडेल र सह कोषाध्यक्षमा गङ्गा राउतलाई चयन गरिएको छ ।

कार्यक्रम नेपाल राष्ट्रिय शिक्षक सङ्गठन सोलुखुम्बुको अध्यक्ष टङ्क कार्कीको अध्यक्षता एवं नेपाल राष्ट्रिय शिक्षक सङ्गठनका केन्द्रीय सदस्य मनकाजी राईको प्रमुख आतिथ्यतामा सप्पन्न भएको हो ।

कार्यक्रममा नेकपा एमाले जिल्ला कमिटी सोलुखुम्बुका अध्यक्ष डुफ कुमार बास्तोला, सचिव कल्पना राई लगायत अन्य विभिन्न स्थानीय तहका शिक्षकहरूको उपस्थिति रहेको थियो ।