जरा केन्द्रित अभियानलाई सफल बनाउने चौतारीको अभियान

मनोज कुमार श्रेष्ठको संयोजकत्वमा प्रेस चौतारी नेपाल सोलुखुम्बुको सल्लाहकार समिति गठन गरिएको छ ।

प्रेस चौतारी नेपाल सोलुखुम्बुका अध्यक्ष गार्डेन राईको अध्यक्षता एवं प्रेस चौतारी नेपालका केन्द्रीय सदस्य नुतन श्रेष्ठको प्रमुख आतिथ्यतामा आज बसेको बैठकले सो निर्णय गरी समिति गठन गरेको हो ।  

श्रेष्ठको संयोजकत्वमा दिल बहादुर डिबि खालिङ र डिल्ली शर्मालाई  सल्लाहकार समितिमा मनोनयन गरिएको छ ।

बैठकमा प्रेस चौतारी नेपालका केन्द्रीय सदस्य नुतन श्रेष्ठले नेकपा एमालेको ३ महिने वडा तथा जरा केन्द्रित अभियानका क्रममा सोलुखुम्बु जिल्ला कमिटीले सञ्चालन गरेको पालिका तथा वडा केन्द्रित अभियानका गतिविधिहरूलाई प्रचार प्रसार गरी अभियानलाई सफल बनाउन, प्रेस चौतारी नेपाल सोलुखुम्बुको सङ्गठनलाई बलियो बनाउन, पालिका स्तरमा सङ्गठन विस्तार गर्न निर्देशन दिए। 

शनिबार बसेको बैठकमा नेकपा एमाले जिल्ला कमिटी सोलुखुम्बुका उपाध्यक्ष शिशिर खालिङ, नेपाल पत्रकार महासङ्घ सोलुखुम्बुका पूर्व अध्यक्ष मनोज कुमार श्रेष्ठ लगायतको उपस्थिति रहेको थियो ।