बुद्धिजीवी परिषद् सोलुखुम्बुको अध्यक्षमा बस्नेत

नेपाल बुद्धिजीवी परिषद्, जिल्ला कमिटी, सोलुखुम्बुको पाँचौँ जिल्ला अधिवेशनले प्रभुराम बस्नेतको अध्यक्षतामा १९ सदस्यीय जिल्ला कमिटी निर्वाचित गरेको छ । 

नेकपा एमाले जिल्ला कमिटी, सोलुखुम्बुको सभा हलमा सम्पन्न अधिवेशनले निर्विरोध निर्वाचित गरेको हो । कमिटीमा नेकपा एमालेको पथलाई अँगाल्दै विभिन्न पेसामा आबद्ध सदस्यहरूलाई समेटिएको छ । आज निर्वाचित पदाधिकारीहरूमा उपाध्यक्षमा कल्पना कार्की, सचिवमा महेश भण्डारी, उप सचिवमा दधि धमला र कोषाध्यक्षमा अशोक सिवाकोटी रहनुभएको छ । 

कार्यक्रमलाई सम्बोधन गर्दै परिषद्का केन्द्रीय सदस्य भगवती गुरुङले देशमा बुद्धिजीवीहरूको उपस्थितिलाई रचनात्मक तथा सङ्गठनमा प्रभावकारी ढङ्गबाट अगाडी बढाउन एमाले राखेको सोच उत्कृष्ट रहेको बताईन्। 

कार्यक्रम केन्द्रीय सदस्य गुरुङको प्रमुख आतिथ्यता तथा नेकपा एमाले, सोलुखुम्बुका उपाध्यक्ष शिशिर खालिङको विशेष उपस्थितिमा सम्पन्न भएको हो ।