श्रेष्ठ नेकपा एमाले गार्माको वडा कमिटी अध्यक्ष निर्वाचित

नेकपा एमाले सोलुदुधकुण्ड वडा नम्बर ७, सोलुखुम्बुमा श्याम श्रेष्ठको अध्यक्षतामा २१ सदस्यीय वडा कमिटी गठन भएको छ ।

आज गार्मामा आयोजित वडा अधिवेशनले उपाध्यक्ष गेल्जे शेर्पा , सचीव बोलराधा मगर, उपसचिव देवुमाया खड्का र नविन प्रधान पदाधिकारी रहेको वडा कमिटी गठन गरेको हो । अधिवेशनले ईन्द्रकुमार श्रेष्ठको संयोजकत्वमा ५ सदस्यीय सल्लाहकार समिति समेत गठन गरेको छ ।

नव निर्वाचित अध्यक्ष श्रेष्ठले आगामी दिनमा पार्टी संगठन निर्माण, पार्टीका तर्फबाट भएका कामको प्रचार, स्थानीय विकासमा एमालेको उपस्थिति लगायतका कार्यमा नयाँ कमिटी सक्रिय रहने प्रतिबद्धता व्यक्त गरे । निर्वाचित कमिटीलाई नगरकमिटी अध्यक्ष दिपक राजभण्डारीले सपथ ग्रहण गराए ।

कार्यक्रममा नेकपा एमाले सोलुखुम्बुक्क सचिब कल्पना राई, जिल्ला कमिटी सचिवालय सदस्य वीर उदाश श्रेष्ठ, प्रचार तथा प्रकाशन बिभाग प्रमुख नुतन श्रेष्ठ, वडा इन्चार्ज प्रकाश बाबू कार्की, लगायत जिल्ला स्तरीय नेताहरुको उपस्तिथि रहेको थियो ।