महाकुलुङमा एमालेको जरा केन्द्रित कार्यक्रम सप्पन्न

झलक राई, सोलुखुम्बु । नेकपा एमाले, महाकुलुङ गाउँकमिटी सोलुखुम्बुको पालिका स्तरीय जरा केन्द्रित अनुशिक्षण कार्यक्रम सम्पन्न भएको छ ।

बिहिवार महाकुलुङ गाउँपालिकाको अनुशिक्षण कार्यक्रम नेकपा एमाले कोशी प्रदेश सचिवालय सदस्य एवं महाकुलुङ गाउँपालिका पार्टी इन्चार्ज बुद्धिकुमार राजभण्डारीको प्रमुख आतिथ्यता, सोलुखुम्बु जिल्ला कमिटी अध्यक्ष डुफकुमार बास्तोला, प्रदेश क निर्वाचन समन्वय कमिटी संयोजक धर्मध्वज खत्री, जिल्ला कमिटी उपसचीव मोहनकुमारी कार्कीको उपस्थितिमा बुङमा सम्पन्न भएको हो ।

स्थानीय तहमा पार्टी सबलीकरण, पार्टी नीति तथा नेतृत्व स्थापित, पार्टीलाई प्रबिधिमैत्री बनाउने, पार्टीलाई शुद्धीकरण गर्न, वडा तहसम्म जनसंगठन बिस्तार गर्न, युवा नेतृत्व बिकास लगायतका बिषयमा कार्यक्रममा छलफल भएको छ ।

कार्यक्रममा प्रमुख अतिथि राजभण्डारीले स्थानीय सरकारले जनताको चहना अनुसार विनियोजन भएको बजेटलाई पारदर्शी एवं श्रोत खुल्ने गरि काम गर्न सुझाव दिए।