प्रधानमन्त्री केपि शर्मा ओलीले शिक्षा क्षेत्रको छात्रवृत्तिमा आवेदन दिन ईच्छुकहरुलाई आग्रह गरेका छन् ।
आज सामाजिक सञ्जाल फेसबुक मार्फत उनले लेखेका छन्, ‘शिक्षा मन्त्रालयबाट विभिन्न विषयको छात्रवृत्तिका लागि आवेदन खुलाइएकोमा आवश्यक संख्या नपुगेका कारण अन्डर ग्रयाजुएट एमबीबीएस १ जना, पोस्ट ग्रयाजुएट इन्जिनियरिङमा ७ जना, एग्रीकल्चरमा ३ जना, पीएचडी इन्जिनियरिङमा १ जना, भेटेरिनरीमा १ जना, आइटीमा ४ जना, मेडिकल साइन्समा २ जना र कन्जरभेसन १ जनाको सिट अझै खाली रहेको सूचना पाएको छु। खाली रहेका सिटमा छात्रवृत्तिको लागि छिटो भन्दा छिटो (एकदुई दिनभित्रै) आवेदन दिनुहोला ।’
यसरी शिक्षा क्षेत्रमा हरेक बर्ष प्रदान गरिँदै आएको छात्रवृत्तिमा ईच्छुकहरुले नै आवेदन नदिएपछि प्रधानमन्त्री ओली आफैले सुचनाको पहुँचलाई बढाउँदै सामाजिक सञ्जाल मार्फत आवेदन दिन आग्रह गरेका हुन् ।
आवेदनका लागि तलको ठेगानामा आफ्नो सम्पुर्ण विवरण सहित ईमेल गर्न सक्नुहनेछ
प्रतिक्रिया