आज सोनाम ल्होसार, तामाङ समुदायद्वारा विविध कार्यक्रमको आयोजना

आज सोनाम ल्होसार, तामाङ समुदायले बिशेष महत्वका साथ देशविदेशमा ल्होसार मनाउँदैछन् ।

नेपालको उच्च पहाडी भेग र पहाडी भेगमा बसोबास गर्ने तामाङ समुदाय लगायत उत्तर छिमेकी मूलक चीन सहितका बौद्धमार्गीहरुको घनत्व रहेको क्षेत्रमा पनि आजको दिनलाई हर्ष बढाई गर्दै नयाँ वर्ष मनाउने गर्दछन् ।

‘ल्होसार’ शब्द ‘ल्हो’ अर्थात् वर्ष वा साल र ‘छार’ वा ‘सार’ अर्थात नयाँ भन्ने दुई शब्द मिलेर बनेको हो । यस दिन तामाङ समुदायले विशेष परम्परागत अनि सांस्कृतिक महत्वका साथ ल्होसार मनाउँदछन् ।

नेपालमा प्रत्येक बर्ष यस दिनलाई तिब्बती नयाँ वर्षको सुरुवातको रूपमा मनाइन्छ । ल्होसार मनाउने समुदायमा ‘ल्हो’ अर्थात् वर्षहरू १२ वटा हुन्छन् । ती वर्षका नामहरूलाई मुसा, गोरु, बाघ, खरायो, चील, सर्प, घोडा, बाख्रा÷भेडा, बाँदर, भाले, कुकुर र सुँगुर जस्ता पशुपन्छी र जीवजन्तुका नामबाट राखिएको पाइन्छ । मुसाबाट सुरु हुने यी वर्षहरू जङ्गली बँदेल वर्षमा पुगेर सकिन्छ ।

सन् २०२५ चाँही सर्पको वर्ष भनिएको छ । बाह्र वर्गका वर्षहरूलाई बाह्र राशिका रूपमा पनि लिने गरिन्छ ।