सुन्तलाको बोक्राले बनाउछ अनुहार चम्किलो

अधिकांश मानिस सुन्तलाका पारखी हुन्छन् भन्दा फरक नपर्ला । प्रायः मानिसहरुलाई यसको स्वाद र गुणले लोभ्याउने गर्दछ । एक अध्ययनका अनसकार सुन्तलाको केस्रामा मात्र नभएर बोक्रामा पनि उत्तिकै गुण हुने बताईएको छ ।

विशेषगरी सुन्तलाको बोक्रा छालाको समस्याका लागि उपयोगी हन्छ । सुन्तलाको बोक्रामा पाईने कैयौं पोषक तत्वहरूले छालालाई विभिन्न प्रकारको समस्याबाट बचाउँछ । सुन्तलाको बोक्राको फेस मास्कलाई सबैभन्दा लोकप्रिय मास्कको रुपमा लिइने सम्बन्धित विज्ञहरु बताउँछन् ।

सुन्तलाको बोक्राबाट लाभ लिनको लागि यसको बोक्रालाई सुकाएर धुलो बनाउने र यसलाई विभिन्न तरिकाबाट प्रयोग गर्न सकिन्छ । त्यसैले आउनुहोस जानौंः सुन्तलाको बोक्राको फाईदाबारे ।

डण्डिफोर हटाउन
सुन्तलामा एन्टिअक्सिडेन्ट र एन्टि इन्फलामेन्टरी गुण हुन्छ । यसले डण्डिफोर हटाउन मद्दत गर्नुका साथै डण्डिफोर जन्माउने हाइपरपिग्मेन्टेशनलाई पनि कम गर्दछ ।

मृत छाला हटाउन

सुन्तलाको बोक्रामा हुने साइट्रिक एसिडले अनुहारको मृत छाला हटाउन मद्धत गर्दछ । मृत छालाले अनुहारको छिद्रलाई बन्द गरिदिन्छ जसले अनुहारको छालामा समस्या पैदा गर्छ । तसर्थ सुन्तलाको बोक्राले मृत कोशिका हटाउन एक्सफोलिएटको काम गर्दछ ।

अनुहारको फोहोर सफा गर्न
अनुहारको छालामा फोहोर जमेर छालामा समस्या भएको छ भने सुन्तलाको बोक्रा लगाउँदा यसले अनुहारको फोहोर सफा गरी छालामा पोषण समेत पुग्दछ ।

ओइली फेसको समाधान
सुन्तलाको बोक्रामा पाइने साइट्रिक एसिडले ओइली अनुहारको समाधान गर्नका साथै अनुहारमा आउने तेलीय उत्पादन रोक्दछ ।

छालालाई कोमल बनाउछ
सुन्तलाको बोक्रामा मोस्चराइजिङ गुण हुन्छ । जसको प्रयोगले छाला कोमल हुनुका साथै उमेरभन्दा कम देखाउने एक अध्ययनले खुलाएको छ ।

स्रोतः बिभिन्न विज्ञ तथा स्वास्थ्य सामाग्रि