एमालेको सचिवालय बैठक बस्दै

नेकपा एमालेको सचिवालय बैठक आज अपरान्ह ४ बजे बस्ने भएको छ ।

एमालेले बर्तमान राजनीति घटनाक्रम, बामदेव गौतमको पार्टी प्रवेश लगायतका विषयमा छलफल गर्न बैठक बोलाइएको नेकपा एमालेका प्रचार तथा प्रकाशन विभाग प्रमुख राजेन्द्र गौतमले जानकारी दिए ।

गौतमका अनुसार बैठकमा समसामयिक राजनीतिक घटनाक्रम, सरकारले हिउँदे अधिवेशनको लागि राष्ट्रपतिलाई गरेको सिफारिस, हिउँदे अधिवेशनलाई पार्टीको तर्फबाट कसरी प्रभाकारी बनाउने लगायतका बिषयमा छलफल हुने छ ।

आजको बैठकमा एमालेमा आउने तयारीमा रहका नेपाल कम्युनिष्ट पार्टी एकता राष्ट्रिय अभियानका संयोजक वामदेव गौतमलाई पार्टीमा कहाँ र कसरी व्यवस्थापन गर्ने भन्ने विषयमा पनि छलफल हुने बुझिएको छ ।

गौतमले आफू एमालेमा जाने तयारी गरिरहेको र पार्टीले खबर गर्ने बित्तिकै एमालेमा जाने बताउँदै आएका छन् ।