ईजरायल र हमासबिच युद्ध बिराम, बिपिन जोशी पनि मुक्त हुने

४६ हजारको मृत्यु हुने गरी १५ महिना अघि शुरु भएको ईजरायल र प्यालेस्टाइनी लडाकु समूह हमास बिच युद्धबिरामको सम्झौता भएको छ ।

सन् २०२३ अक्टोबर ७ मा हमास लडाकुहरुले इजरायलमा प्रवेश गरी आक्रमण गरेर १० नेपाली विद्यार्थीसहित १ हजार २ सय जनाको ज्यान लिएका थिए । नेपालका विपिन जोशीसहित २५० जनालाई बन्धक पनि बनाएर लगेका थिए । त्यसपछि शुरु भएको भिषण युद्धमा अहिलेसम्म ४६ हजार बढीको ज्यान गईसकेको छ भने लाखौं विस्थापित भएका छन् ।

इजरायल र हमास बिचको युद्धलाई रोक्न कतार, इजिप्ट, टर्की र अमेरिकी राष्ट्रपतिमा चुनिएका डोनाल्ड ट्रम्पका प्रतिनिधि बसेर युद्धबिरामलाई अन्तिम रूप दिएका हुन ।

इजरायल र हमास भन्दा अगाडि ट्रम्पले युद्ध बिरामको सूचना सार्वजनिक गरेका थिए । हमासले पनि अलजजिरा अरबिकसँग बोल्दै युद्धबिराम भएको र बन्धक छोडिने बताएको छ ।

इजरायललाई ट्रम्प दूतले र हमासलाई कतार, टर्की र इजिप्टले दबाब दिएर युद्धबिराम र बन्धक छुटाउने सहमति भएको बताइएको छ । यो सँगै हमासले बन्धक बनाएका विपिन जोशी छुट्ने बाटो खुलेको छ ।

केहि दिन अगाडि परराष्ट्रमन्त्री डाक्टर आरजु देउवा राणाले जोशी जीवित भएको बताएकी थिइन् ।