थ्रेसहोल्ड मार्फत साना दललाई पाखा लगाउन खोजियोः प्रतिपक्षी

बर्तमान सरकारले साना दललाई पाखा लगाउने उद्धेश्य सहित बिभिन्न माध्यमबाट अध्यादेश तथा अन्य कानुन ल्याउन खोजेको प्रति प्रतिपक्षी दलहरुले निष्कर्ष निकालेको छ ।

आज प्रमुख प्रतिपक्षी नेकपा माओवादी केन्द्रको आव्हानमा बसेको बिपक्षी ६ दलको बैठकमा सरकारले साना दललाई पाखा लगाउन थ्रेसहोल्ड बढाउन खोजेको निष्कर्ष निकालेका हो । माओवादीका उपमहासचिव वर्षमान पुनका अनुसार दलसम्बन्धी विधेयकमा थ्रेसहोल्ड बढाउने तयारी भइरहेको, साना दलहरूको आवाजलाई कमजोर पार्ने, जनताको सहभागीलाई कमजोर पार्ने तथा कथित दुई दलीय व्यवस्थातिर लैजाने प्रयास भइरहेको बिषयमा बैठकमा छलफल भएको छ ।

सबै विपक्षी दलहरूलाई समेटेर साझा धारणा सार्वजनिक गर्नको लागि अनौपचारिक ड्राफ्ट कमिटी पनि बनाएको छ । कमिटीमा माओवादीका उपमहासचिव पुन र नेकपा एकीकृत समाजवादीका वरिष्ठ नेता डा. बेदुराम भुसाल रहेका छन् । आज साँझसम्ममा कार्यदलले काम टुंग्याएर भोलि नै सार्वजनिक गर्ने तयारी विपक्षी दलहरूको छ ।

बैठकले सरकारले ससद् छलेर स्वच्छाचारी ढंगले अध्यादेशले शासन गर्न खोजेको भन्दै विशेष अधिवेशन बोलाउन चेतावनी पनि दिए ।