भुमि आयोगको अध्यक्ष नियुक्ती शुरु, सोलुखुम्बुको अध्यक्षमा गुरुङ

राष्ट्रिय भुमि आयोगको नेतृत्वमा भागवण्डाको टुंगो लागेसँगै बिभिन्न जिल्लाको नियक्ती प्रक्रिया शुरु भएको छ ।

आयोगमा कोशी प्रदेशका १०, मधेशका ६, बाग्मतीका ८, गण्डकीका ५, लुम्बिनीका १२, कर्णालीका ८ र सुदूरपश्चिम प्रदेशका ७ जिल्लाको अध्यक्षहरुको नियुक्ती कार्य सम्पन्न भएको छ । बाँकी २१ जिल्लाका अध्यक्षहरु भने नियुक्त हुन बाँकी छ ।

यसैबिच सोलुखुम्बु जिल्लाको अध्यक्षमा नातिकाजी गुरुङ नियुक्त भएका छन् । भूमि व्यवस्था, सहकारी तथा गरिबी निवारण मन्त्री बलराम अधिकारीले भुमि आयोगमा सोलुखुम्बुको अध्यक्षमा गुरुङलाई नियुक्त गर्दै आयोग गठन गरेका हुन् ।

सत्तारुढ दलहरुबीच कांग्रेसले ३५, एमालेले ३५ र जनता समाजवादी पार्टीले ४ र लोकतान्त्रिक समाजवादी पार्टीले ३ जिल्लाको अध्यक्ष सिफारिस गर्ने गरी सहमति भएको थियो ।