लोकतन्त्र बलियो बनाउन मर्यादित र सहि सुचना आवश्यकः उपमहासचिव ज्ञवाली

नेकपा एमालेका उपमहासचिव प्रदीप ज्ञवालीले सूचनाको हक लोकतन्त्रको आधार भएको बताएका छन् ।

आइतबार राष्ट्रिय सूचना आयोगले गरेको सूचनाको हक सम्बन्धी कानुनको अभ्यास विषयको अन्तरक्रिया कार्यक्रममा बोल्दै उनले सूचनाको हकले लोकतन्त्र र पारदर्शीतालाई बलियो बनाउन सहयोग गर्ने बताए । उनले एमाले लोकतन्त्र र सूचनाको हकका विषयमा पूर्ण प्रतिबद्ध रहेको समेत स्पष्ट पारेका छन् ।

लोकतन्त्रलाई मर्यादित बनाउन मर्यादित र सही सूचना प्रवाह हुन आवश्यक रहेको भन्दे उनले मिस इन्फरमेसन, डिसइफरमेसन, डिप फेक तथा फेक न्युजहरूले दल र दलका नेतालाई प्रहार गरिनु दुखद भएको प्रति गुनासो व्यक्त गरे । ‘

अर्को एक फरक प्रसंगमा उपमहासचिव ज्ञवालीले दलहरूले आफनो आर्थिक जीवनलाई पारदर्शी गर्दै आगामी दिनमा राज्यको लगानीलाई पनि जोड्नु पर्ने बताए । त्यसो गरियो भने तिमीहरूले कहाँ खर्च ग¥यो भनि माग्ने हक हुने उनको धारणा छ । यसो गर्दा दलको जीवनलाई पारदर्शी बनाउन सहयोग गर्ने ज्ञवालीले स्पष्ट पारे ।

सरकारले अध्यादेश ल्याउन सक्ने अधिकार रहेको बताउँदै ज्ञवालीले यो संसद् छल्नको लागि ल्याएको अध्यादेश नभएको पनि स्पष्ट पारे । उनले संसदको बैठक सुरु हुने बित्तिकै अध्यादेश अनुमोदनको लागि जाने भएकोले संसदले पास नगरे त्यो स्वतः खारेज हुने जिकिर गरे ।