अमेरिकामा २ जना नेपालीको मृत्यु

साझा प्रेस
50
Shares

अमेरिकाको भर्जिनिया राज्यमा भएको कार दुर्घटनामा दुई जना नेपालीको मृत्यु भएको छ ।

अमेरिकाको भर्जिनिया राज्यको फेयरफ्याक्स काउन्टीस्थित च्यान्टिलीमा रहेको विंगेट बाई विन्डह्याम होटल नजिकैको पोखरीमा कार खस्दा दुई जनाको मृत्यु भएको च्यान्टिलीबाट प्रकाशित हुने अखबार डेलीभोइसले जनाएको छ । सो कार हिउँमा चिप्लिएर पोखरीमा खसेको बताइएको छ ।

मृत्यु हुनेमा ५५ वर्षीय कर्ण खड्का र २० वर्षीय निश्चल भट्ट रहेका छन् ।

फेयरफ्याक्स काउन्टी प्रहरीका अनुसार बिहीबार स्थानीय समयअनुसार बिहान ७ः२५ बजे सेन्टरभ्यू ड्राइभको ३९०० ब्लकमा गाडी डुबेको सूचना प्राप्त भएको थियो ।