सोलुखुम्बुमा चालकसँग २ मिनेट कार्यक्रम

सोलुखुम्बुमा बर्षातसँगै हिमपात शुरु भएपछि जिल्ला प्रहरी कार्यालयले चालकसँग २ मिनेट कार्यक्रम शुरु गरेको छ ।

जिल्ला प्रहरी कार्यालय, सोलुखुम्बुको समन्वयमा आजबाटै जिल्ला भित्रने सिमा क्षेत्र पत्ताले तथा अस्थाई प्रहरी चौकी रमिते, तिंलाबाट सो कार्यक्रमको शुरुवात भएको हो । प्रहरी युनिटको संयुक्त टोलीलले चाकलसँग सचेतनाका लागि कुराकानी तथा जागरण अभियान शुरु गरेको प्रहरी नायव उपरिक्षक द्वारिका प्रसाद घिमिरेले जानकारी दिए ।

जिल्लाको बिभिन्न क्षेत्रमा बर्षातसँगै हिमपात शुरु भएपछि सडक यात्रा जोखिमपुर्ण हुन सक्ने भन्दै ट्राफिक प्रहरी तथा नेपाल प्रहरीले चालक तथा यात्रुहरुसँग सम्भावित दुर्घटनाका जोखिम, सडकको अवस्था लगायतका बिषयमा कम्तिमा २ मिनेट भलाकुसारी गरिने प्रनाउ घिमिरेले बताए ।