हजार बढीलाई सशस्त्र प्रहरीमा भर्ना खुल्यो

सशस्त्र प्रहरीमा नयाँ भर्ना खुलेको छ । पुस २४ देखि माघ २४ सम्म खुलेको दरखास्तमा एक हजार भन्दा धेरै जनाका लागि भर्ना खुलेको हो ।

सशस्त्र प्रहरी निरीक्षक (इन्सपेक्टर) देखि चर्मकर्मीसम्मका लागि भर्ना खुलेको सशस्त्र प्रहरीले प्रकाशित गरेको सुचनामा उल्लेख छ ।

सशस्त्र प्रहरी निरीक्षकमा ६८ जना, सशस्त्र प्रहरी सहायक निरीक्षकमा ८३ जना र सशस्त्र प्रहरी जवानमा ९४१ जनाका लागि भर्ना खुलेको छ ।

यसैगरी भान्छे २० जना, कूचिकार १९ जना, सूचिकार १० जना, केशकर्तक २४ जना र चर्मकर्मी १४ जनाका लागि पनि सशस्त्र प्रहरीमा जागिरको अवसर छ ।