भीम रावलले आज नयाँ पार्टीको घोषणा गर्दै

साझा प्रेस
50
Shares

कम्युनिष्ट नेता डा. भीम रावलले आज पत्रकार सम्मेलन मार्फत नयाँ पार्टी घोषणा गर्दैछन् । नेकपा एमालेबाट निष्कासनमा परेपछि सक्रिय भएका रावलले आज दिउँसो १ बजे बानेश्वरमा पत्रकार सम्मेलनको आयोजना गर्ने भएका हुन् ।

पत्रकार सम्मेलनमा हुनले आफ्नो राजनीतिक यात्राको भविष्य तथा कम्युनिस्ट र उदारवादी विचारधारा समेट्ने गरी नयाँ पार्टी गठन गर्ने तयारीका बिषयमा जानकारी दिने स्रोतले बताएको छ ।

रावललाई गत १० पुसमा एमालेले पार्टीको संगठित सदस्यबाट हटाउने निर्णय गरेको थियो । त्यसपछि पार्टी गठनको तयारीमा जुटेका रावलले राजनीतिक भेटवार्तालाई तीव्रता दिँदै आएका छन् ।

गत सोमबार बिहान मात्रै उनले नेपाली कांग्रेस (बीपी)का उपसभापति कर्ण मल्ल र सुदूरपश्चिम प्रदेश सभाका स्वतन्त्र सांसद डा. तारा जोशीसँग भेटवार्ता गरेका थिए । भेटवार्तामा रावलले विभिन्न पार्टीबाट अन्यायमा परेकाहरू एकठाउँमा आएर देशभक्त समाजवादी पार्टी बनाउने प्रस्ताव राखेको स्रोतले जनाएको छ ।

आजको पत्रकार सम्मेलनपछि मेची–महाकाली अभियान चलाउने उनको योजना छ ।