भिम रावलको पनि नयाँ पार्टी बन्ने

कम्युनिष्ट नेता डा. भिम रावलले नयाँ पार्टी घोषणा गर्ने भएका छन् । उनले आउँदा बुधबार नयाँ पार्टीको घोषणा गर्ने निकट स्रोतले जानकारी दिएको छ । उनले बुधबार दिउँसो १ बजे कार्की ब्याङ्क्वेटमा पत्रकार सम्मेलन गर्दै छन् ।

नेकपा (एमाले) बाट निष्कासित नेता डा. भीम रावलले खोल्ने पार्टीको नाम के रहन्छ भन्नेबारे आम जिज्ञासा उठेको छ । तर रावल स्वयम्ले भने पार्टीको नाम कम्युनिष्ट नरहने बताएका छन् ।

सोमबार सुदूरपश्चिम प्रदेशका सांसद तारा जोशीसँग भेट गरेका रावलले भनेका छन्, ’पार्टीको नाम गैरकम्युनिष्ट रहन्छ । अब कन्युनिष्ट राखिन्न ।’

नयाँ पार्टी खोल्ने तयारीसँगै रावल लगायतको समूहले गैरकम्युनिष्ट नेताहरूलाई पनि मिलेर जानका लागि प्रस्ताव गरिरहेको स्रोतको दाबि छ । उनले नेपाली कांग्रेस बीपीका उपसभापति कर्ण मल्ललाई समेत भेटेर मिलेर जान प्रस्ताव गरेका छन् ।