एसीसी महिला यू–१९ मा बंगलादेश र भारतबिच उपाधि भिडन्त

एसीसी महिला यू–१९ एसिया कप क्रिकेटअन्तर्गत बंगलादेश नेपाललाई पराजित गर्दै फाईनलमा पुगेको छ । मलेसियाको बायुमास ओभल मैदानमा भएको सुपर चारको अन्तिम खेलमा नेपाल बङ्गलादेशसँग ९ विकेटले पराजित भएको हो ।

आजको खेलमा वर्षा बाधक बनेपछि खेल ११ ओभरमा घटाइएको थियो । जसमा नेपालले ११ ओभरमा आठ विकेटको क्षतिमा ५४ रन जोडएको थियो । जितका लागि ५५ रनको लक्ष्य पछ्याएको बङ्गलादेशले ९ दशमलव ५ ओभरमा १ विकेट गुमाएर लक्ष्य पूरा गर्यो ।

फाईनलमा बंगलादेशले भारतसँग खेल्नेछ ।