एनपिलएलमा आज शिर्ष दुई टिम भिड्दै (अंक तालिका सहित)

नेपाल प्रिमियर लिग (एनपिएल) मा आज शिर्ष दुई टोली बिच प्रतिस्पर्धा हुँदैछ । त्रिभुवन विश्वबिद्यालय, कीर्तिपुरको क्रिकेट मैदानमा हुन लागेको खेलमा लिगको शिर्ष स्थानमा रहेको जनकपुर बोल्ट्स र सुदूरपश्चिम रोयल्स बिच खेल हुँदै छ ।

त्यस्तै आजै हुने अर्को खेलमा काठमाडौँ गुर्खाज र लुम्बिनी लायन्स भिड्दै छन् । एनपिएलमा चार खेल खेलेको जनकपुर बोल्ट्स सबै खेलमा विजयी हुँदै पहिलो स्थानमा छ भने सुदूरपश्चिम रोयल्सले चार खेल मध्ये तीनमा जित निकालेको छ ।

तीन खेल खेलेको काठमाडौँ गुर्खाजले दुई खेल जितेको छ भने एक खेलमा पराजित भएको छ । लुम्बिनीले भने पाँच खेलमा एउटा मात्र जित्न निकालेको छ ।