सोलुखुम्बुमा २ जना भारतीय नागरिक पक्राउ

साझा प्रेस
2.8k
Shares

जिल्ला प्रहरी कार्यालय, सोलुखुम्बुले ठगी कार्यमा संलग्न २ जना भारतीय नागरिकलाई पक्राउ गरेको छ । पक्राउ परेका दुबै दोषीहरुलाई आज सार्वजनिक गरिएको हो ।

प्रहरी र स्थानीयको सक्रियतामा उनिहरुलाई बुधबार नियन्त्रणमा लिइएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्वारिका प्रसाद घिमिरेले जानकारी दिए । प्रनाउ घिमिरेका अनुसार ठगी आरोपमा पक्राउ परेका ती आरोपित भारतको सहरसा पुरुषोत्तम पुरीख वडा नम्बर ५ का ३२ वर्षीय अजय कुमार र सोही स्थानका १९ वर्षका करण कुमार रहेका छन् ।

उनिहरुले सोलुखुम्बुका विभिन्न स्थानमा सुनका गहनाहरू सरसफाइ गर्ने बहानामा गरगहनाको तौलमा कमी आउने गरी ठगी गरेको आरोप छ।  

माप्य दुधकोशि गाउँपालिका वडा नम्बर ४ काँकुकी जयन्ता कार्कीको सुनको सिक्री एक थान, कानमा लगाउने रिङ १ जोडी र सुनको बेरुवा औंठि १ थान सरसफाइ गर्ने बहानामा प्रलोभन देखाइ उक्त गरगहनाको तौलमा कमी आउने गरी ठगी गरेको आरोपमा पक्राउ गरिएको प्रनाउ घिमिरेले बताए ।

ठगी आरोपमा पक्राउ गरिएकाहरुबाट सुन सफा गर्न प्रयोग गरिएका सामाग्री, रासायनिक तरल पदार्थ तथा सफा गरिएका सुनका गरगहना लगायत बरामद गरिएको छ।

उनिहरुलाई सोलुखुम्बु जिल्ला अदालतबाट ५ दिनको को म्याद थप गरी अनुसन्धान गर्ने कार्य भइरहेको जिल्ला प्रहरी कार्यालय सोलुखुम्बुले जनाएको छ ।